.jpg)
ქ. ბათუმი, დემეტრე თავდადებულის ქუჩა N8
ნაგებობის მოკლე დახასიათება:
ორსართულიანი ნაგებობა ქუჩის მჭირო განაშენიანებაშია ჩართული სამშენებლო მასალად გამოყენებულია ნატეხი ქვა და აგური. კლასიცისტურ-ბაროკულ სტილში გადაწყვეტილი შენობის ფასადები შელესილია. ხუროთმოძღვრული დეტალები (ღიობების პრფილები, დეკორაციული მოტივები) ნალესობითაა გამოყვანილი. საფასადო სიბრტყის ცოკოლის ნაწილი სრულიად სადაა, რომელშიც დატანებულია სადრბაზოს პატარა ფანჯრები. ორივე სართულზე კედლის ზედაპირი ჰორიზონტალურადაა დაღარული. ფასადზე რიტმულად ჩარიგებულ სწორკუთხა ღიობებს პლასიკური, პროფილირებული მოჩარჩოება აქვს, "საჭექი ქვებით," ჰორიზონტული თავსართებით და სხვა დეტალებით. სადარბაზო ფასადის ცენტრშია მოქცეული, მის ზემოთ მეორე სართულზე, ეს ნაწილი აქცენტირებულია თაღოვანი ფანჯრის ღიობით და პარაპეტის არეში გამრუდებული ფრონტონის მონაკვეთით. საცხოვრებელი სახლი საყურადღებოა როგორც ქალაქგეგმარებითი, ასევე მხატვრული თავლსაზრისით. ნაგებობა თავისი პროპორციით და თავშეკავებული მორთულობით ორგანულადაა ჩაწერილი განაშენიანებაში.
.jpg)
.jpg)