ქ.ბათუმი, ზუბალაშვილის ქუჩა N36
ძეგლის მოკლე დახასიათება
ორსართულიანი შენობა 1907 წელს არის აგებული. ის რკინის ნაკეთობათა ხელოსნის, ივანე უგრეხელიძის საკუთრება იყო. ფასადი მოკრძალებულად არის გადაწყვეტილი მოდერნის სტილისათვის დამახასიათებელი ელემენტებით. მეორე სართულზე გადმოკიდებული ლითონის აივანი და ეზოს ჭიშკარი დამზადებულია სამჭედლოში, რომელიც სახლის ეზოში მდებარეობდა. შენობის უკანა ფასადი გვიანდელი გადაკეთებების შედეგად სრულიად სახეცვლილია. სახლი ბათუმური საცხოვრებლის ტიპური ნიმუშია. ის მნიშვნელოვან როლს ასრულებს ქუჩის ისტორიული განაშენიანების თავდაპირველი სახის შენარჩუნებაში.
