.jpg)
ქ. ბათუმი, ვაჟა-ფშაველას ქუჩა N44 / ვახტანგ გორგასალის ქუჩა N62
საცხოვრებელი სახლი 1904 წელს ააშენა კომერსანტმა ალიხანოვმა.
ერთსართულიანი შენობა მთავარი ფასადით ვაჟა-ფშაველას ქუჩაზე გადის, ხოლო ვახტანგ გორგასლის ქუჩის მხრიდან ეკვრის ეზო. ფასადის არქიტექტორული გადაწყვეტა ეკლექტურია. მოტივები რენესანსისა და ბაროკოს რეპერტუარიდან არის აღებული. სწორკუთხა ღიობების პროფილირებული საპირეები გაფორმებულია საჭექი ქვის მოტივით. ფიგურების თავზე სანდრიკებია მოწყობილი, მცენარეული ორნამენტი ამკობს კარნიზსა და ფასადის კომპოზიტური კაპიტელებით დასრულებულ პილასტრებს. მხატვრული გადაწყვეტით გამოირჩევა სახლის სადარბაზო, რომლის კედლებზე და ჭერზე წელიწადის დროების ალეგორიული კომპოზიციები და პეიზაჟებია დახატული.
კამერული სახის შენობა ბათუმური საცხოვრებელი სახლის კარგი ნიმუშია.
.jpg)
.jpg)