აჭარის კულტურული მემკვიდრეობის დაცვის სააგენტო

ქ. ბათუმი, ვახტანგ გორგასალის ქუჩა N54 / ლუკა ასათიანის ქუჩა N35

ნაგებობის მოკლე დახასიათება:

ნაგებობა მდებარეობს ვახტანგ გორგასლის და ასათიანის ქუჩების გადაკვეთაზე. წარმოადგენს გეგმაზე მართკუთხა ფორმის სამსართულიან ნაგებოაბას, სარდაფით. ცოკოლის მონაკვეთი გაფორმებულია დეკორატიული ლესვით რუსტირების სახით. დანარცენი ფასადი სადაა და ფაფერილი მოყვითალოდ. ფასადებს ანაწევრებს სიმეტრიულად განლაგებული ფანჯრის სწორკუთხა ღიობები. ყოველი სართული გამოყოფილია მცირედ შვერილი პროფილირებული სარტყლით. ნაგებობის კუთხეებს აუყვება ლესვითვე გამოყვანილი კვადრების წყობა. ფანჯრებს შემოსდევს მცირედ პროფილირებული მოჩარჩოება. მათ ქვემოთ კი, კედლის სიბრტყეზე კუთხეებჩამოკვეთოლი მართკუთხა არეებია მოთავსებული. ასათიანის ქუჩის მხარეს ფანჯრები ასიმეტრიულადაა განლაგებული. პირველ სართულზე სამიფანჯარა გამოდის, მეორეზე ორი, ხოლო მესამეზე მხოლოდ ერთი. თუმცა მათი დეკორი იმეორებს მთავარი ფასადის ფანჯრის მორთულობას. გორგასლის ქუჩის მხარეს ფასადის შუაში სამი განიერი და მაღალი შესასვლელია გაჭრილი. სიმეტრიულადაა განლაგებული აივნები ზედა ორ სართულზე _ სამ-სამი თითო სართულზე.ნაგებობის უკანა მხარე, რომელიც ეზოში გადის სრულიად მოურთავია. აქ განთავსებულია ორი სადარბაზო.