აჭარის კულტურული მემკვიდრეობის დაცვის სააგენტო - ბათუმის სახელმწიფო უნივერსიტეტი

ნინოშვილის ქ. 35 / რუსთაველის გამ. 4ბათუმის უნივერსიტეტიბათუმის შოთა რუსთაველის უნივერსიტეტის შენობა 1899-1903 წლებში აშენდა არქიტექტორ ალ. შიმკევიჩის პროექტით. თავიდან შენობა ეკავა ვაჟთა გიმნაზიას, შემდეგ სხვადასხვა წლებში სკოლას, ტექნიკუმს, პერაგოგიურ ინსტიტუტეს და ბოლოს 1990 წლიდან _ უნივერსიტეტს.ამჟამად უნივერსიტეტს მთელი კვარტალი უკავია. მისი თავდაპირველი შენობა ნინოშვილის ქუჩის მხარეს დგას და მთავარი ფასადით ზღვისპირა ბულვარს გადაჰყურებს. შენობა სამსართულიანია, ძალიან გრძელი. მისი შუა ნაწილი აქცენტირებულია რიზალიტით, რომელიც შესამჩნევად არის წინ გამოწეული და სიმაღლითაც სჭარბობს გვერდითა ნაწილებს. რიზალიტის არეში ფანჯრები პირველ და მესამე სართულებზე ნახევარწრიულთაღოვანია, მეორეზე _ მართკუთხა. გვერდითა ნაწილებზე პირიქითაა _ თაღოვანია მეორე სართულის ფანჯრები, სხები კი მართკუთხაა. მთავარი შესასვლელი რიზალიტის ცენტრშია. ის ფლანკირებულია პატარა შეწყვილებული სვეტებით და დაჩრდილულია ნახევარცილინდრული წინფრით. ფასადის გაფორმების ძირითადი ხერხია მართკუთხა ამოწეული და ჩაწეული სიბრტყეების მონაცვლეობა. ისინი სხვადასხვა ფერად (თეთრად და ცისფრად) არის დაფერილი და უხვი დეკორის შთაბეჭდილებას ქმნის, მიუხედავად იმისა, რომ ნაძერწი შემკულობა ფასადს არ გააჩნია.1977-1982 წლებში შენობას (იმხანად პედაგოგიურ ინსტიტუტს) რუსთაველის გამზირის მხრიდან მიშენდა ახალი კორპუსი, რომელიც სტანდარტიზებული უსახური საბჭოური მშენებლობის ნიმუშია. 2006 წელს ამ ახალ კორპუსს რუსთაველის პროსპექტის მხარეს გაუკეთეს ფერადი მინის დიდი ეკრანი, რომელმაც მთლიანად დაფარა ფასადი.ძველ და ახალ კორპუსებს შორის უნივერსიტეტს აქვს დიდი ორნაწილიანი ეზო.უნივერსიტეტის შენობა თავისი ისტორიული მნიშვნელობით, მხატვრული ღირებულებით, მასშტაბითა და ურბანული როლით ერთ-ერთი ყველაზე გამორჩეულია ბათუმში.