აჭარის კულტურული მემკვიდრეობის დაცვის სააგენტო

ნინოშვილის ქ. 23 / 26 მაისის ქ. 2საზღვაო ტრანსპორტის სააგენტოსააგენტოს ორსართულიანი შენობა ნინოშვილისა და 26 მაისი ქუჩების გადაკვეთაზე აგებულია XX საუკუნის დასაწყისში. 1958-2011 წლებში მასში განთავსებული იყო ნ. ბერძენიშვილის სახ. სამეცნიერო-კვლევითი ინსტიტუტი. 2011 წელს შენობაში ბინა დაიდო ახლადშექმნილმა საზღვაო ტრანსპორტის სააგენტომ.მთავარი ფასადით სახლი ნინოშვილის ქუჩაზე გადის. ის ქუჩისპირიდან ცოტა მოშორებით, პატარა ეზოში დგას. ფასადის მარჯვენა ბოლოში, კუთხეზე ირიბად არის მიდგმული თაღებით გახსნილი პორტიკი, რომლის თავზეც მეორე სართულის ღია ვერანდაა მოწყობილი. მთავარი ფასადი უხვად არის მორთული რენესანსულ-ბაროკული ეკლექტიზმის ელემენტებით. კედლის სიბრტყე შელესილია და ზედ თეთრი და ღია მწვანე ჰორიზონტალური ზოლებია დატანილი. სართულებს ყოფს პროფილირებული კარნიზი, რომელსაც ქვემოთ გეომეტრიული ორნამენტის ფრიზი გასდევს. ფასადის განაპირა ნაწილებზე გამოიყოფა მსუბუქი რიზალიტები, რომელთა კიდეებზეც ბრტყელი პილასტრებია აყოლებული. ფანჯრები ორსავე სართულზე თაღოვანია. პირველი სართულის ფანჯრები ფლანკირებულია კორინთულკაპიტელებიანი მრგვალი სვეტებით. მათზე გადაყვანილი თაღოვანი თავსართები რუსტირებულია. სახლს მაღალი, რთულად პროფილირებული კარნიზი აგვირგვინებს.26 მაისის ქუჩის მხრიდან სახლს ორსავე სართულზე აქვს ბეტონით ნაგები ღრმა აივნები. მათი არქიტექტურა ერთი მხრივ, ხის ტრადიციულ აივნებს მოგვაგონებს, მეორე მხრივ, მოდერნის სტილის ელემენტებს შეიცავს. პირველი სართულის აივანი შუაში ნახევარწრიულად არის გამოსული. ამ შვერილის გვერდით ეზოდან რამდენიმესაფეხურიანი კიბე ადის.საზღვაო ტრანსპორტის სააგენტო ბათუმის ერთ-ერთი საუკეთესო შენობაა, გამორჩეული როგორც მხატვრული ჩანაფიქრით, ისე შესრულების მაღალი ხარისხით.