ქ. ბათუმი, 6 მაისის პარკი
ნაგებობის მოკლე დახასიათება:
6 მაისის პარკის ცენტრალურ შესასვლელში განთავსებული კოლონადა 1933 წელს აშენდა. შუაში გახსნილი ორი ნახევარწრიული გალერეა მაღალ პოსტამენტებზე შეყენებული დორიული სვეტების მწკრივისგან შედგება და ანტაბლემენტით არის გადახურული. სვეტების კვარცხლბეკები ერთმანეთს რიკულებიანი მოაჯირით უკავშირდება. თითოეულ გალერეას თავსა და ბოლოში თითო ოთხსვეტიანი პორტიკი აქვს. სვეტნარის გახსნილ, ცენტრალურ ნაწილში პირველი აჭარელი მფრინავი ქალის, ფადიკო გოგიტიძის ქანდაკება დგას. კოლონადა საბჭოთა პერიოდის საპარკო ნაგებობის ტიპური ნიმუშია.
