.jpg)
ქ. ბათუმი, მერაბ კოსტავას ქუჩა N20
ძეგლის მოკლე დახასიათება
ორსართულიანი მოდერნის სტილის შენობა XX საუკუნის დასაწყისშია აგებული. მისი ქუჩის პირზე გამავალი, შელესილი და ნაცრისფრად შეღებილი ფასადი ორი მსუბუქად შვერილი რიზალიტით არის დანაწევრებული. რიზალიტები ხაზგასმულია მაღალი და მრუდხაზოვანი პარაპეტებით. ძირითადი საფასადო სიბრტყე პირველ სართულზე განიერი მშვილდთაღოვანი, ხოლო მეორე სართულზე სწორკუთხა ღიობებით არის გახსნილი. სადარბაზო უჯრედები რიზალიტების ფარგლებშია მოწყობილი. ფასადი დეკორატიულად გაფორმებულ კრონშტაინებზე დაყრდნობილი მძლავრი კარნიზით სრულდება. რამდენიმე წლის წინ სახლს ჩაუტარდა რეკონსტრუქცია, რომელმაც მისი ავთენტურობა გარკვეულწილად შელახა.მჭიდრო განაშენიანებაში თავისუფლად განთავსებული მასიური შენობა ერთ-ერთი საუკეთესო მოდერნის სტილის შენობაა ბათუმში და მნიშვნელოვანად განსაზღვრავს კოსტავას ქუჩის ისტორიული განაშენიანების ხასიათს.
.jpg)
.jpg)