.jpg)
26 მაისის ქუჩა N3 / შოთა რუსთაველის ქუჩა N39
შენობა აგებულია XX ს-ს დასაწყისში (1911-1916 წწ) და ნავთობმაგნატ როტშილდის საკუთრებას წარმოადგენდა (ნაგებობა დააპროექტა არქიტექტორმა სიდერნიკოვმა).
1921 წლის მარტში აქ განთავებული იყო ბათუმის რევოლუციური კომიტეტი და ამ შენობიდან გამოცხადდა აჭარაში საბჭოთა წყობილების დამყარების შესახებ.
1951 წლიდან შენობაში გადმოვიდა ი. ჩარკვიანის სახელობის სამშობიარო სახლი.
გასული საუკუნის 80 – იან წლებში მთავარ კორპუსს მიუშენეს ადმინისტრაციული შენობის კორპუსი.
შენობის ფასადები ბაროკოს (როკოკოს ცალკეული ელემენტებით) სტილშია გადაწყვეტილი. ნაგებობის კუთხე მომრგვალებულია და დასრულებულია სპილენძის თხელი ფურცლებით დახურული შპილიანი გუმბათით. შელესილი და შეთეთრებული ფასადები დატვირთულია ნალესობაში გამოყვანილი დეკორაციული მორთულობით.
მეორე სართულზე არსებული ღია ტერასები და მძლავრ კრონშტეინებზე დაყრდნობილი ქვის აივნები - ბალიასინების მწკრივისაგან შემდგარი მოაჯირებით – პომპეზურ იერს სძენს შენობას.
ნაგებობის ფასადებზე არსებული რიზალიტების ფარგლებში მოქცეულია მდიდრულად გაფორმებული სადარბაზოები, რომლებსაც ოსტატურად მოხარატებული კარი ამშვენებს.
შენობა ბათუმის ურბანული მემკვიდრეობის ერთ-ერთი ღირშესანიშნავი ნიმუშია. იგი ბათუმის ერთ-ერთი ცენტრალური უბნის მძლავრ ხუროთმოძღვრულ დომინანტს წარმოადგენს.
.jpg)
.jpg)
.jpg)