აჭარის კულტურული მემკვიდრეობის დაცვის სააგენტო

ქ.ბათუმი, მემედ აბაშიძის ქუჩა N34 - ნოდარ დუმბაძის ქუჩა N16-18

ძეგლის მოკლე დახასიათება

ორი ქუჩის კუთხეში მდგარი ორსართულიანი მანსარდიანი შენობის ფასადები დატვირთულია ნალესობაში გამოყვანილი რენესანსულ-ბაროკული და მოდერნული სტილის დეკორატიული ელემენტებით. N 0101297ნაგებობის ჩამოკვეთილი კუთხე და განაპირა ნაწილები სრულდება შპილიანი გუმბათებით. კუთხის ბუმბათის ორივე მხარეს, ოდნავი დისტანციით კი მაღალი ოთხქანობა გადახურვებია. I სართულის კედლების ზედაპირი დამუშავებულია წახნაგოვანი ზედაპირების მქონე რუსტებით. Aამ სართულის რიტმულად ჩალადებული მშვილდათაღოვანი, სადა არშის მქონე და ზედა ნაწილში დეკორატიული ნაძერწობით მორთული ღიობები ანაწევრებს. ნაგებობის II სართული უფრო მეტად არის დატვირთული ნაძერწი სამკაულით: კედლის სიბრტყე დანაწევრებულია დაბალი რუსტებით თანაბარი რიტმით გაჭრილი ღიობები კი სწორკუთხა მოხაზულობისაა. ფასადს ასრულებს მაღალი, წყვეტილი პარაპეტის კედელი. კედლებ შორის კი რიკულების მწკრივებია. პარაპეტის მოსდევს თევზის ქერცლისებური საფარი დაბურული მაღალი მანსარდ, სწორკუთხა და თაღოვანი სარკმლებით. სარკმლები თავის მხრივ სამკუთხა და თაღოვანი ნაძერწი სმკაულით მორთული ფრონტონებით არის დაგვირგვინებული. შენობას პირველ სართულზე ხუთი შესასვლელი აქვს. კ. გამსახურდიას მხარეს, განაპირა ნაწილში კი შიდა ეზოში შესასვლელი თაღოვანი გვირაბია, რომლის თავზეც ლითონის აივანია მოთავსებული. შენობა თავდაპირველად ორსართულიანი იყო, რამდენიმე წლის წინ მას გუმბათებიანი მანსარდა დააშენეს და ფასადებზე დეკორატიული სამკაულით უხვად შეამკეს. იგი ქალაქგეგმარებითი თვალსაზრისით საყურადღებოა, როგორც დომინანტი და მაორგანიზებელი მოცულობა ამ უბნის განაშენიანებაში.