• EN
  • ge
  • ru
  • ქართულ-პოლონური არქეოლოგიური ექსპედიცია
    3 ივლისი, 2019

    2019 წლის 28 ივნისს, აჭარის კულტურული მემკვიდრეობის დაცვის სააგენტოს მხარდაჭერით გონიო-აფსაროსის ციხის ტერიტორიაზე განახლდა ქართულ-პოლონური საერთაშორისო არქეოლოგიური ექსპედიცია. სამუშაოები ციხის სამხრეთ-დასავლეთ, ჩრდილო-აღმოსავლეთ და სამხრეთ-აღმოსავლეთ მონაკვეთში მიმდინარეობს. ექსპედიციამ გააგრძელა წინა წლებში დაწყებული კულტურული ფენების შესწავლა.

    ქართულ-პოლონური საერთაშორისო ექსპედიცია გონიო-აფსაროსის ციხის  ტერიტორიაზე 2015 წლიდან მუშაობს. ამ ხნის მანძილზე გამოვლენილია სხვადასხვა სახის არქიტექტურული ნაგებობები (აბანო, ყაზარმები, მონუმენტური ნაგებობები და ა.შ) და არქეოლოგიური მასალები.

    არქეოლოგიური გათხრები ციხის ტერიტორიაზე ერთი თვე გაგრძელდება.