• EN
  • ge
  • ru
  • წმიდა მარიამ მაგდალინელის ხატის რესტავრაცია
    19 სექტემბერი, 2019

    აჭარის კულტურული მემკვიდრეობის დაცვის სააგენტოს სარესტავრაციო ლაბორატორიაში დასრულდა წმიდა მარიამ მაგდალინელის ხატის რესტავრაცია.

    ხატზე მუშაობა აჭარის კულტურული მემკვიდრეობის დაცვის სააგენტოსა და აჭარის მუზეუმის ერთობლივი პროექტის ფარგლებში მიმდინარეობდა, ხოლო სარესტავრაციო სამუშაოებს ცნობილი ხატმწერი და რესტავრატორი მიხეილ ბოგუცკი ხელმძღვანელობდა.

    ხატი XIX საუკუნის მერე ნახევრით თარიღდება, მის რესტავრაციაში, ასევე,  მონაწილეობდნენ: სააგენტოს სარესტავრაციო ლაბორატორიის მხატვარ-რესტავრატორი გიორგი ბოლქვაძე და აჭარის მუზეუმის მხატვარი გურამ გუჯაბიძე.

    დღეს რესტავრირებული ხატი ოფიციალურად გადაეცა აჭარის მუზეუმს. შეხვედრაზე ბატონმა მიხეილ ბოგუცკიმ ვრცლად ისაუბრა, ზოგადად XIX საუკუნის ქრისტიანული მართლმადიდებლური ხატწერის შესახებ და ასევე, საკუთრივ წმიდა მარიამ მაგდალინელის ხატის აღდგენის, თანმხვედრი სირთულეებისა და მათი გადაჭრის მეთოდოლოგიური მიდგომების შესახებ.