საგანმანათლებლო პროგრამის ,,შეეხე ისტორის ხელებით" ფარგლებში, გონიოს კვლევით ცენტრში, სკოლის მოსწავლეებისათვის ჩატარდა პრეზენტაცია თემაზე: ,,მეთუნეობა’’. შემეცნებით აქტივობას უძღვებოდა სააგენტოს მეცნიერ-თანამშრომელი, არქეოლოგი თათული მოწყობილი.
მეორე დღე დაეთმო პრეზენტაციას ,,რომაული საბრძოლო იარაღები’’, რომლის ფარგლებშიც მოსწავლეებმა მოისმინეს ინფორმაცია რომაული არმიის - ლეგიონის შემადგენლობაზე, სამხედრო ტაქტიკაზე, ლეგიონის ძირითად და დამხმარე იარაღების სახეებზე. შემეცნებით აქტივობას უძღვებოდა სააგენტოს მეცნიერ-თანამშრომელი, არქეოლოგი კახაბერ ქამადაძე.
ბავშვებმა ასევე მოინახულეს გონიოს კვლევითი ცენტრის ლაბორატორია, ფონდები და გონიოს ციხე-ნაკრძალი.
საგანმანათლებლო აქტივობებს ესწრებოდნენ ქ.ბათუმის წმინდა ანდრია პირველწოდებული გიმნაზიის მე-4 კლასის მოსწავლეები (პედაგოგები: სოფიო სანიკიძე, ლამარა გოგიბერიძე) და კავკასიის ბიზნეს სკოლის მე-7 კლასის მოსწავლეები (პედაგოგი ლელა ხილაძე).