გაცოცხლებული ისტორიის პრაქტიკას დღეს მსოფლიოს მრავალი მსხვილი თუ პატარა მუზეუმი მიმართავს, სულ უფრო მეტი თანამედროვე დამთვარიელებელი ირჩევს ისტორიის შესწავლის ასეთ გზას. ,,გაცოცხლებულ ისტორიებს“ ყველაზე ხშირად ღია ცის ქვეშ მუზეუმები მიმართავენ, სადაც ამ ტიპის აქტივობისთვის ხელსაყრელი პირობებია (გაშლილი სივრცე იმიტირებული ბრძოლებისათვის და სხვ.) მუზეუმ-ნაკრძალების დიდი ტერიტორია, როგორც წესი, იძლევა სხვადასხვა წარმოდგენის აღქმისთვის საჭირო ინფრასტუქტურის მოწყობის საშუალებასაც.
სწორედ ამ მიზნით, სააგენტოს ინიციატივით გონიოს ციხეში განხორციელდა რომაული ბანაკის პროექტი: მოეწყო რომაული საცხოვრებელი კარვები, ამფითეატრი, აღდგა ანგარი, სადაც განთავსდა რომაული საბრძოლო საალყო მანქანები-კატაპულტა, ბალისტა, ონაგრი.