აჭარის უმაღლესი საბჭოს თავმჯდომარე დავით გაბაიძე, უმაღლესი საბჭოს თავმჯდომარის მოადგილე მერაბ კარანაძე და კულტურული მემკვიდრეობის დაცვის სააგენტოს ხელმძღვანელი ზაურ ახვლედიანი ქვემო სილეზიის რეგიონული პარლამენტის მიწვევით ქვემო სილეზიაში სამმხრივ რეგიონულ საპარლამენტო შეხვედრას დაესწრნენ.
თანამშრომლობის სამმხრივი სამიტი უკვე მეორედ გაიმართა და იგი ბრანდენბურგის ლანდტაგს, ქვემო სილეზიის სეიმიკსა და აჭარის უმაღლეს საბჭოს შორის თანამშრომლობის გაღმავებას და ერთობლივი პროექტების განხორციელებას გულისხმობს.
სააგენტოს ხელმძღვანელს ზაურ ახვლედიანს შეხვედრები ჰქონდა ვროცლავის ეთნოგრაფიული მუზეუმის და ამავე ქალაქის მარშალის ოფისის კულტურის დეპარტამენტის ხელმძღვანელობასთან.
დაიგეგმა ერთობლივი ღონისძიებები შემდგომი თანამშრომლობის გაგრძელების მიზნით, როგორც სპეციალისტების გაცვლის - გადამზადების, ასევე ერთობლივი საგრანტო პროექტების შემუშავებში.