დღეს, აჭარის კულტურული მემკვიდრეობის დაცვის სააგენტოს ორგანიზებით ძეგლებისა და ისტორიული ადგილების საერთაშორისო დღესთან დაკავშირებით, სასტუმრო ,,რედისონში’’ III საერთაშორისო სემინარი თემაზე: „შავიზღვისპირეთის კულტურული მემკვიდრეობის ძეგლების რეალური მდგომარეობა, პრობლემები და პერსპექტივები“ გაიმართა.

სემინარში მონაწილეობდნენ ქართველი და უცხოელი სპეციალისტები;

სამეცნიერო ღონისძების თემატიკა მოიცავდა არქეოლოგიის, ეთნოლოგიისა და ისტორიის სხვადასხვა დარგობრივ მიმართულებას.

აჭარის კულტურული მემკვიდრეობის დაცვის სააგენტო მსგავს სემინარს ყოველწლიურად ატარებს, რომლის მეშვეობითაც ხდება კულტურული მემკვიდრეობის ძეგლებისადმი შავი ზღვის აუზის ქვეყნების გამოცდილების გაზიარება, სპეციალისტთა შორის კომუნიკაციის გაზრდა და პერსპექტივაში ახალი სამეცნიერო-კვლევითი და კულტურულ-საგანმანათლებლო ხასიათის ურთიერთობების ორგანიზება.

წარმოდგენილია ეთნო-კუთხე - აჭარული ნაქარგობების შესახებ. ქარგვის ტრადიციულ კულტურას 2020 წელს არამატერიალური კულტურული მემკვიდრეობის ძეგლის სტატუსი მიენიჭა. გაიმართა წიგნის „ფერადი ლითონების მეტალურგიასთან დაკავშირებული ახლადაღმოჩენილი კულტურა“ პრეზენტაცია (ავტორი: არქეოლოგი ამირან კახიძე), რომელიც აჭარის კულტურული მემკვიდრეობის დაცვის სააგენტოს ფინანსური უზრუნველყოფით გამოიცა.