• EN
  • ge
  • ru
  • ქ.ბათუმში, ლუკა ასათიანის N28 -ში მდებარე კულტურული მემკვიდრეობის ძეგლის რეაბილიტაცია მიმდინარეობს.
    26 აპრილი, 2021

    ქ.ბათუმში, ლუკა ასათიანის N28 -ში მდებარე კულტურული მემკვიდრეობის ძეგლის რეაბილიტაცია მიმდინარეობს. აჭარის კულტურული მემკვიდრეობის დაცვის სააგენტოს ფინანსური უზრუნველყოფით ქ.ბათუმში, ლუკა ასათიანის N28-ში მდებარე კულტურული მემკვიდრეობის ძეგლის რეაბილიტაცია გრძელდება. აღდგა შენობის დაკარგული და დაზიანებული მხატვრული ელემენტები და მოწესრიგდა ფასადი. გამაგრდა საყრდენი კედელი. რესტავრაცია ჩაუტარდა ცენტრალურ ნაწილში არსებულ დაზიანებულ ქვის თაღს. სარეაბილიტაციო სამუშაოები პროექტით გათვალისწინებულ დროში დასრულდება. აღნიშნული შენობა ბათუმის ურბანული მემკვიდრეობის შესანიშნავ არქიტექტურულ ნიმუშს წარმოადგენს. იგი აგებულია XIX –XX სს-ის მიჯნაზე. გამოირჩევა ფასადის თავისებური, ინდივიდუალური გადაწყვეტით, დახვეწილი გემოვნებითა და მაღალი სამშენებლო ოსტატობით. 1960 -იან წლებში ნაგებობა კერძო მფლობელებს გადაეცა.