აჭარის კულტურული მემკვიდრეობის დაცვის სააგენტოს მხარდაჭერით, გონიო-აფსაროსის მუზეუმ-ნაკრძალს თელავის მუნიციპალიტეტის საჯარო და კერძo სკოლების პედაგოგები  სტუმრობენ.კულტურულ-საგანმანათლებლო პროგრამის „პედაგოგის დღიურის“ ფარგლებში პედაგოგები  სამხრეთ–დასავლეთ საქართველოში არსებულ მატ­ერ­ი­ალური კულტურის ძეგლებს გაეცნენ (გონიო-აფსაროსი, პეტრა-ციხისძირი, ფიჭვნარი).  მოისმინეს ლექციები გონიო-აფსაროსის ციხის ისტორიის და ამ ტერიტორიაზე მიმდინარე კვლევითი სამუშაოების შესახებ.    მონაწილეობა მიიღეს  არქეოლოგიურ ექსპედიციაში (მოიპოვეს არტეფაქტები, მოახდინეს ნივ­თების ფიქსაცია, დამუშავება და სხვ).პროექტის ფარგლებში ასევე იგეგმება აჭარის ავტონომიურ რესპუბლიკაში მოქმედი მუზეუმების მონახულება და ფონდებში დაცული არტეფაქტების გაცნობა.  პროექტის მიზანია პედაგოგთა კვალიფიციის ამაღლება და ეროვნული კულტურული მემკვიდრეობის გაცნობა-პოპულარიზაცია. პროექტი თელავის მუნიციპალიტეტის მერიის მიერ არის ორგანიზებული.